Sara Kristín Sigurðardóttir

Ég heiti Sara Kristín Sigurðardóttir og er 35 ára gömul. Til fimm ára aldurs bjó ég í Reykjavík en flutti þá í Garðabæinn þar sem ég bjó til ársins 2018 en þá flutti ég í Kópavoginn þar sem ég bý enn í dag.
Ég byrjaði í Fjölbrautaskólanum í Garðabæ árið 2004 og útskrifaðist þaðan árið 2011 en á þeim tíma vann ég öll sumur í Kjötsmiðjunni sem er fyrirtæki í eigu foreldra minna. Eftir útskrift fór ég í 100% starf þar.
Janúar 2022 komst ég inn í Upplýsingatækniskólann og fór á braut sem heitir grunnnám upplýsinga– og fjölmiðlagreina. Sú braut er undirbúningsbraut fyrir sérsvið sem tók tvær annir að klára. Eftir það komst ég svo inn á sérsviðið í grafískri miðlun og er að klára það núna í desember 2023.
Eftir námið ætla ég að fara að vinna aftur 100% starf í Kjötsmiðjunni í pökkun. Til stendur að fara í útskriftarferð með foreldrum mínum til Orlando sem er í Flórida í byrjun næsta árs. Í mars á næsta ári ætla ég að sækja um ljósmyndun sem byrjar næsta haust.